Programa di Sterilisacion

Pa añanan largo Aruba tin problema di cantidad grandi di cacho- y pushinan cu ta biba riba caya sin hogar adecua. Hopi di e pushi y cachonan aki ta bandona y wordo mata diariamente. E unico solucion pa e problema aki ta reduci e cantidad di cacho y pushi y enfoca riba e responsabilidad di cada doño riba mantencion y cuido di cacho y pushi.

"Stimami, Sterilisami"!

Duna bo mascota un bida mas largo y saludabel.

Pakico Sterilisacion

Sterilisacion di bo mascota, sea pushi of cacho ta necesario pa evita crecimiento di e populacion di pushi y cacho di caya. Di e manera aki comunidad ta stop sufrimiento di pushi y cacho di muri di hamber, malesa of wordo mata den e 'afmaakhok' (kill cage).


Motibonan pa Sterilisacion

Pa por frena e problema aki, nos mester di tur doño di mascota pa yuda door di sterilisa nan mascota y mas hopi cacho y pushi di caya posibel.

E operacion ta un elemento esencial pa ta un doño responsabel. Tambe e operacion ta contribui na alivia poblacion dimas di pushi y cacho di caya. Adicionalmente e ta un beneficio importante pa e salud di e bestia.

E operacion di sterilisacion ta encera remove e organonan reproductivo di e pushi of cacho, sea homber of muher.

Bentahanan positivo di Sterilisacion:

  • Nan tin un bida mas largo
  • Nan ta mas resistente na malesa
  • Nan ta mas loyal
  • No mas puppies indesea

Skohe Bo Veterinario

  • Veterinaire Kliniek Aruba | Wayaca 128
  • Veterinaire Kliniek Aruba | Noord 50-B
  • Contreras Veterinary Services | Shaba 2
  • Contreras Veterinary Services | Savaneta 112 Lokaal 2
  • Animal Care Clinic | Paradera 177-A
  • Animal Health Veterinary Hospital | Caya J.E.M. Arends 20