Programa di Sterilisacion

Pa añanan largo Aruba tin problema di cantidad grandi di cacho- y pushinan cu ta biba riba caya sin hogar adecua. Hopi di e pushi y cachonan aki ta bandona y wordo mata diariamente of ta sufri di malesa y hamber riba caya. E unico solucion pa e problema aki ta reduci e cantidad di cacho y pushi y enfoca riba e responsabilidad di cada doño riba mantencion y cuido di cacho y pushi.

Stimami Sterilisami ta un fundashon official awor y ta cuminsa cu su programma di sterilisashon atrobe.

Nos programa ta yuda e fundacionnan y Dononan di Cacho y Pushi cu ta rescata e cacho y pushinan, pagando un gran parti di e gasto di sterilisacionnan pa nan. Tur veterinario ta participate den e programa aki.

Duna bo mascota un bida mas largo y saludabel.

“Stimami, Sterilisami”!

Gasto di Sterilisacion

Prijsnan special pa operashon pa fundashon of dono individual di cacho of pushi ta lo siguiente:
– Female Dog: AFL 150
– Male Dog: AFL 85
– Female Cat: AFL 80
– Male Cat: AFL 35
E prijs ta inclui e microchip, injection di e chip y un test si sanger pa asigura cu e mascota ta sufficiente saludabel pa e operashon. E pushi of cacho mester ta sufficiente bieuw pa wordu opera y mester ta di bon salud.

Pa ricibi e subsidio riba e prijs special pa e operashon tur fundashon of dono particular di cacho of pushi por registra via e link abou di e website di Stimami Sterilisami. Un registrashon pa cacho of pushi pa formulario.

Con e programa ta traha

1) Fundashon of Dono di e mascota tin cu registra online

a) Registra aki. Solamente registrashon online ta valido
b) Bo lo recibi un number di registrashon via bo email
c) Dentro di 7 dia di registrashon Bo tin ku bai na un veterinario pa hasi un cita pa e operashon di e cacho of pushi.

2) Pa hasi un cita na bo veterinario pa e operashon Bo tin cu:

a) Duna e veterinario e number di registrashon cual Bo a ricibi online
b) Paga pa Bo parti di e operashon (Stimami Sterilisami lo cubri e otro parti)
c) Ricibi un cita pa e operashon
d) Ricibi e prueba di pago di Bo parti di e operashon

3) Operashon di Bo mascota cu ta inclui un microchip

Pakico Sterilisacion

Sterilisacion di bo mascota, sea pushi of cacho ta necesario pa evita crecimiento di e populacion di pushi y cacho di caya. Di e manera aki comunidad ta stop sufrimiento di pushi y cacho di muri di hamber, malesa of wordo mata den e ‘afmaakhok’ (kill cage).

Motibonan pa Sterilisacion

Pa por frena e problema aki, nos mester di tur doño di mascota pa yuda door di sterilisa nan mascota y mas hopi cacho y pushi di caya posibel.

E operacion ta un elemento esencial pa ta un doño responsabel. Tambe e operacion ta contribui na alivia poblacion dimas di pushi y cacho di caya. Adicionalmente e ta un beneficio importante pa e salud di e bestia.

E operacion di sterilisacion ta encera remove e organonan reproductivo di e pushi of cacho, sea homber of muher.

Bentahanan positivo di Sterilisacion:

Nan tin un bida mas largo
Nan ta mas resistente na malesa
Nan ta mas loyal
No mas puppies indesea

Fundashon Stimami Sterilisami

KVK: S1744.0

Bank account number for donations:
Aruba Bank 6012630190

Skohe Bo Veterinario